Psa 88 | NdeIBE | STEP | Ingoma. Ihubo lamadodana kaKhora. Kumqondisi wokuhlabela. Itshuni ethi, Mahalathi leyanothi (Ukuhlupheka lokuchukuluzwa) Imasikili kaHemani umEzira. O Jehova, Nkulunkulu ongisindisayo, ebusuku lemini ngikhala kuwe.

Psalms 88

1 O Jehova, Nkulunkulu ongisindisayo, ebusuku lemini ngikhala kuwe.

2 Akuthi umkhuleko wami ufinyelele kuwe; phendula indlebe yakho izwe ukukhala kwami.

3 Ngokuba umphefumulo wami ugcwele izinhlupheko lempilo yami isilengela engcwabeni.

4 Ngibalwa ndawonye lalabo asebesiya egodini; senginjengendoda engelamandla.

5 Sengahlukaniselwe kwabafileyo, lezidumbu ezilele edlinzeni, wena ongasabakhumbuliyo njalo, abangasekho kulabo obanakekelayo.

6 Usungifake egodini elitshona okudlulayo, ekujuleni okumnyama bhuqe.

7 Intukuthelo yakho iyangeleka; usungigalulisile ngawo wonke amagagasi akho.

8 Usungithathele abangane bami abasekhwapheni wangeza ngaba lesidina kubo. Ngivalelwe kangiselantuba;

9 amehlo ami asebona kalufifi ngenxa yosizi. Ngiyakubiza, O Jehova, izinsuku zonke; ngiphakamisela izandla zami kuwe.

10 Izimanga zakho uyazitshengisa kwabafileyo na? Kambe labo asebefile bangavuka bakudumise na?

11 Uthando lwakho luyamenyezelwa engcwabeni yini, ukuthembeka kwakho endaweni yokuBhubha na?

12 Izimanga zakho ziyaziwa yini endaweni yobumnyama, kumbe izenzo zakho zokulunga elizweni lokungabikho na?

13 Kodwa ngikhala kuwe ngoncedo, O Jehova; ekuseni umthandazo wami uyafika kuwe.

14 Kungani, hawu Jehova, ungifulathela ungifihlela ubuso bakho?

15 Kusukela ebutsheni bami ngavele ngahlupheka ngaba seduze lokufa; ngiphethwe yikwesatshiswa nguwe, sengize ngidangele.

16 Intukuthelo yakho isingigabhele; ukwesaba wena sekungiqedile.

17 Ilanga lonke kungihanqile njengesikhukhula; sekungigalulisa nya.

18 Usungithathele abakhula bami lengibathandayo; ubumnyama sebunguyena mngane wami oseduze.